ولعت بين التيار و القوات في جزين
علق عضو تكتل لبنان القوي النائب زياد أسود على رئيس حزب القوات اللبنانية سمير جعجع على أنه مرشح طبيعي لرئاسة الجمهورية قائلاً : نظريا مسيو سمير ،مرشح ماروني طبيعي .انا كمان كماروني مرشح طبيعي باصوات محرزة ،سجل عدلي نظيف،كف نظيف،حر محرر،شهادتين حسن سلوك وثانية حقوق و علوم سياسية، مسعف سابق بالصليب الاحمر و بروح كل يوم على الشغل متل كل اللبنانيين حتى طلع مصاري و no fundraising ،not on payroll.بتسمحلي نافس.
ورداً على أسود علق منسق القوات في جزين جورج عيد قائلاً : الحكيم مرشح طبيعي كرئيس اكبر حزب مسيحي ب لبنان، باصوات تفوق نصف الناخبين المسيحيين،
بسجل عدلي مش بس نظيف انما من ذهب وافتخار، لأن لما الاحتلال يدوّن ع سجله العدلي يعني هيدا شرف ما ممكن تعرف معناه،
واكيد حر وقلال بيقدروا يوصلوا لحريته يلي بقيت لصيقة فيه بالرغم من كل الالغاءات والاعتقالات ومحاولات الاغتيال،
وشهادته انو ترك تعليمه كرمال يحمي شعب ووطن، بالوقت يلي كتار كانو عم يهربوا او يتعاملوا مع المحتل،
ونظافة كفه ناصعة لأن يلي بيتخلى عن كل شي ويرفض يهرب ويتحمل الاعتقال ما ممكن الا يكون نظيف بكل شي،
اما السؤال البديهي عن نظافة كفك وال fundraising وال payroll والابتزاز المالي من وعلى النائب السابق عصام صوايا والمرشح جاد صوايا والنائب السابق امل ابو زيد ورجال الاعمال بمنطقة جزين؟؟ اسألة مشروعة وما رح ترد عليها خوفاً من انو يجيب رد من احدى ال “donors” ويفضحك.
وبأهمية كل يلي انذكر، بتبقى الاخلاق العالية اهم مواصفات المتعاطي بالشأن العام، ويلي عم نشوفها معدومة ب يلي كتبته ايدك نتيجة فكر مليان حقد وعِقَد وتضليل.
ايمتى رح تفكوا عن سما رب المجتمع يلي عم تدمروه بفشلكن وفسادكن وحقدكن.
وعلق أسود رداً على التعليقات قائلاً : اذكى جمهور ردود جماعة سمير،لا فهموا و لا بيفهموا،بعدين اذا تويت صغير هزك،مدافعنا من بيهزها،ضب طراطيرك عن الردود مجرصينك من ضعفهم و سطحيتهم .بعدين ما على اساس عندك تثقيف سياسي بالجامعة الشعبية و متكل على الفهم .صحيح مسيو سمير انك مكبر حجمك و دورك .اتاري كلن هيك عندك هدي بالبال .
وعلق عضو مجلس قضاء جزين في التيار الوطني الحر دومنيك عاقوري على رد منسق القوات في جزين قائلاً : إنبرى أحدهم في قضاء جزين بالرد على تويت النائب زياد اسود فكان الرد همروجة عيد .
أهضم شي بهالعيد تزميرة عن أكبر حزب مسيحي !
بتحب نذكرك بالأعداد ؟
بتحب نذكرك بالصوت التفضيلي ؟ اه العفو نسيت الاعداد عندكن شقلب مقلب !
اما باقي الرد شخصي و لن نرد بالشخصي كي لا نمجزر ! نشالله تكون فهمت ؟
و يا عيد بهالعيد خليك عم تعيد بلكيه عيد الجاي او يلي بعدو او يلي بعدو او القرن الجاي بتلاقي مين يعيد و يضل يعيد لتوصلوا للعيد وبردو العيد رح يضل بعيد … يا عيد .
أخيرا يبقى همنا اليوم إنقاذ لبنان و شعبه الطيب من براثن الميليشيات التي تحكمت بوطننا الحبيب على مدى ٤٠ سنة فعاثت فيه كل انواع الفساد و الإجرام بحقه و بحق مواطنيه .
