زياد اسود : تبلغت من التيار ان احضر اوراقي للترشح “و مش حركة امل اللي بتقرر مين مرشح التيار…
بعد كل الاخذ والرد المتعلق بترشيحه للانتخابات النيابية كشف عضو تكتل لبنان القوي النائب زياد اسود ل mediafactorynews انه تبلغ من التيار الوطني الحر ان يحضر اوراقه استعدادا للترشح.
هل هذا يعني الا تحالف مع حركة امل في صيدا – جزين خصوصا في ظل الفيتو الموضوع عليه من الحركة؟ نسأل اسود فيرد مشيرا الى ان التحالف مستبعد حتى اللحظة بتقديره الشخصي ، علما ان اي تحالف يحتاج لتوازن ولا يكون على قاعدة “اللي بيزعجنا منشيلو” ويقول ” بكل الحالات مش حركة امل بتقرر مين مرشح التيار بجزين ، في ناس من اعمدة التيار وما حدا بيفرض على جزين مين بترشح، وانا مني مكسر عصا ورموز التيار ما بيتساوم عليهم”
وفيما يتابع متحدثا عن رمزية جزين يعتبر ان كل طرف يبدي انزعاجاً من مرشح يكون يريد فرض مرشحين مدجَّنين في وقتٍ لا يتعاطى التيار بهذا الاسلوب مع الاخرين ويجزم ” انا مني موجود بالبازار واللي بدو يعمل بازار يعملو من كيس غيري”
ولكن ماذا لو لم يرشحك التيار ؟ “شو بيبقى للتيار اذا ما ترشح زياد اسود؟ شو انا لقيط او جايي بالصدفة؟ التيار له مؤسسات واعمدة اساسية، كيف بالحري اذا كان الرأي العام الجزيني مؤيد لزياد اسود”
هل تكمل بترشيحك بمعزل عن التيار؟ ” لكل حادث حديث وانا بدي شوف منطقة جزين شو مصيرها وشو مصير امانة التحرير اللي عطانا ياها العماد ميشال عون ، بدي شوف بالاول البديل اذا كان يتمتع بالمصداقية او قاعد بحرج غيرنا….واذا حركة امل عندا مرشح ماروني مش ضروري يكونو ٢ ! “
